Luister na musiek uit Don Pasquale en L’elisir d’amore van Donizetti, Don Giovanni, Die Huwelik van Figaro en Die Towerfluit van Mozart, Simon Boccanegra van Verdi en die onbekende opera Loreley van Catalani. Van die sangers is Dmitri Hvorostovsky, Anna Moffo, Beverley Sills, Kiri Te Kanawa, Fritz Wunderlich, Lucia Popp en Ghena Dimitrova.

Rhizobium, ‘n bakterie wat in plantselle voorkom, verseker dat daar aan die plant se stikstofbehoeftes voldoen word. Stephan Downy van AECI Plant Health gesels oor die gebruik en bestuur van rhizobium by peulgewasse soos sojabone. Tobias Doyer van Graan SA praat oor die plaaslike graanbedryf, die impak van die swakker graanseisoen op die verbruiker, en hy gee raad aan produsente oor belangrike besluitneming.

Igna Klynsmith bespreek ‘n brief van ‘n luisteraar wat handel oor sy ontevredenheid met ‘n winkel wat daarop aangedring het dat hy sy ID-nommer in hulle stelsel moes intik om sy geskenkbewys te kon gebruik. Spesialisgas Elsa Kruger-Willemse praat oor belangrike aspekte m.b.t. die verkoop van onroerende eiendom.

AS DIE HADIDA ROEP deur Charles J. Fourie
Regie: Denver Vraagom
EPISODE 39: Albert vertel vir Ester van die sportsak wat Manie in die grot saam met Sammy se lyk gevind het, maar Manie wou nie sê wat daarin is nie. Ester vra Manie uit oor die sportsak, en wil weet of hy dit vir die polisie gaan gee. Ryno verneem dominee mag voortgaan om sy aardbewingvisioene te deel.

Mevrou Green se voorspellings.