म. टा. वृत्तसेवा, धुळे
शहरातील जुना आग्रारोड लगत असलेल्या देवपूर बसस्थानकाचे बांधकाम अखेर पूर्ण झाले असून उद््घाटन सोमवार, १६ रोजी राज्य परिवहन महामंडळाचे नाशिक विभागीय व्यवस्थापक मिलींद बंड यांच्याहस्ते होणार आहे. त्यामुळे गेल्या काही दिवसांपासून देवपूरसह परिसरातील प्रवाशांची सुरू असलेली प्रतीक्षा अखेर संपली आहे. हे बसस्थानक पूर्णवेळ राहणार असून सर्व कार्यक्षमतेने कार्यरत होणार असल्याचे धुळे विभाग नियंत्रक राजेंद्र देवरे यांनी सांगितले.
शहराचा विस्तार दिवसेंदिवस वाढत आहे. त्यामुळे प्रवाशांना सुविधा देण्यासाठी बीओटी तत्वावर बसस्थानकांची उभारणी करण्यात आली आहे. परंतु गेल्या काही दिवसांपासून बसस्थानकाच्या उद््घाटनाअभावी प्रवाशांना या ठिकाणाहून सेवा देणे शक्य होत नव्हते. मात्र, आता या बसस्थानकाचे उद््घाटन येत्या सोमवारी होणार आहे. त्यानंतर प्रवाशांना पुर्णवेळ सेवा मिळणार आहे. देवपूर स्थानकातून नंदुरबार, शहादा, शिरपूर, अक्कलकुवा, शिंदखेडा, दोडांईचा या आगारांच्या कार्यकक्षेतील धुळ्यात दररोज येणाऱ्या १०३ बसेसच्या फेऱ्या होणार आहेत. या फेऱ्या मध्यवर्ती बसस्थानकातून सुरू होत्या. त्या आता देवपूर बसस्थानकापर्यंत येणार आहेत.
मिनी बसची सुविधा
शहरातील प्रवाशांच्या सोयीच्या दृष्टीने धुळे आगाराकडून चार मिनीबस (यशवंती) देवपूर बसस्थानकातून सुरू करण्याची व्यवस्था करण्यात आली आहे. देवपूर बसस्थानकातून मध्यवर्ती बसस्थानकात प्रवाशांना जायचे असल्यास मिनी बसने सहा रुपयांचे भाडे आकारण्यात येणार असल्याची माहिती विभाग नियंत्रक राजेंद्र देवरे यांनी दिली.
देवपूर बसस्थानकातून 118 बस फे-या होणार
धुळे आगारातून दररोज 790 बसेस धावतात
टोलमुळे वर्षाला 12 कोटी रूपये धुळे आगाराचा भरणा
नवीन 50 बसेस एप्रिल मध्ये सुरू होणार
शहरातील जुना आग्रारोड लगत असलेल्या देवपूर बसस्थानकाचे बांधकाम अखेर पूर्ण झाले असून उद््घाटन सोमवार, १६ रोजी राज्य परिवहन महामंडळाचे नाशिक विभागीय व्यवस्थापक मिलींद बंड यांच्याहस्ते होणार आहे. त्यामुळे गेल्या काही दिवसांपासून देवपूरसह परिसरातील प्रवाशांची सुरू असलेली प्रतीक्षा अखेर संपली आहे. हे बसस्थानक पूर्णवेळ राहणार असून सर्व कार्यक्षमतेने कार्यरत होणार असल्याचे धुळे विभाग नियंत्रक राजेंद्र देवरे यांनी सांगितले.
शहराचा विस्तार दिवसेंदिवस वाढत आहे. त्यामुळे प्रवाशांना सुविधा देण्यासाठी बीओटी तत्वावर बसस्थानकांची उभारणी करण्यात आली आहे. परंतु गेल्या काही दिवसांपासून बसस्थानकाच्या उद््घाटनाअभावी प्रवाशांना या ठिकाणाहून सेवा देणे शक्य होत नव्हते. मात्र, आता या बसस्थानकाचे उद््घाटन येत्या सोमवारी होणार आहे. त्यानंतर प्रवाशांना पुर्णवेळ सेवा मिळणार आहे. देवपूर स्थानकातून नंदुरबार, शहादा, शिरपूर, अक्कलकुवा, शिंदखेडा, दोडांईचा या आगारांच्या कार्यकक्षेतील धुळ्यात दररोज येणाऱ्या १०३ बसेसच्या फेऱ्या होणार आहेत. या फेऱ्या मध्यवर्ती बसस्थानकातून सुरू होत्या. त्या आता देवपूर बसस्थानकापर्यंत येणार आहेत.
मिनी बसची सुविधा
शहरातील प्रवाशांच्या सोयीच्या दृष्टीने धुळे आगाराकडून चार मिनीबस (यशवंती) देवपूर बसस्थानकातून सुरू करण्याची व्यवस्था करण्यात आली आहे. देवपूर बसस्थानकातून मध्यवर्ती बसस्थानकात प्रवाशांना जायचे असल्यास मिनी बसने सहा रुपयांचे भाडे आकारण्यात येणार असल्याची माहिती विभाग नियंत्रक राजेंद्र देवरे यांनी दिली.
देवपूर बसस्थानकातून 118 बस फे-या होणार
धुळे आगारातून दररोज 790 बसेस धावतात
टोलमुळे वर्षाला 12 कोटी रूपये धुळे आगाराचा भरणा
नवीन 50 बसेस एप्रिल मध्ये सुरू होणार
