Fi̱ransa (a̱lyem)
Fi̱ransa (Fi̱ransa: français [fʁɑ̃sɛ] ku langue française [lɑ̃ɡ fʁɑ̃sɛːz]) yet a̱lyem Roman kya di̱ kwai Ndo-Yurop ji. Ji̱ ku neet mi̱ A̱bun Lati̱n A̱byintyokshan Rom wu wa, nang ku ku ndi ma̱ng a̱mgba̱m lilyem Roman hu. Fi̱ransa ku byi̱k neet mi̱ Galo-Roman ja, tangka̱i Lati̱n nang á̱ ku lyiat di̱ fam Ga̱wut a̱ni, a̱wot ma̱ a̱tsak wu, fam A̱za Ga̱wut. Á̱na̱nyiuk nji bibya yet lilyem langues d'oïl—ghyáng hu nang á̱ ku lyiat di̱ fam a̱za Fi̱ransa hwa a̱ni ma̱ng fam a̱tak Beli̱jiyom neet a̱fwun bah, nang Fi̱ransa (Francien) ku ngat a̱ weam a̱ni ji̱ si̱ yong a̱ja. Fi̱ransa ku mi̱ nshyia̱ fuut di̱ fam Lilyem Keli̱tik ku yet lilyem a̱byin hu a̱ni di̱ fam A̱za Ga̱wut Rom nang mi̱ Gallia Belgica a̱wot mbwak (Jamanik) a̱lyem Fi̱rankit a̱si̱ lilyim nwuai á̱niet ntsaai A̱fi̱rankit Rom ka. A̱zafwun ka, mat yai a̱byintyokshan ta̱wap-a̱byin Fi̱ransa ka, á̱ si̱ mbyia̱ lilyem Ki̱riyot Fi̱ransa ma̱ a̱di̱di̱t, a̱gba̱ndang wu wa yet Ki̱riyot Hayiti ji. A̱tyulyiat Fi̱ransa ku a̱byin ka nang á̱niet nka ba lyiat Fi̱ransa a̱ni wa á̱ ngyei Fi̱rangkwofon neet mi̱ Fi̱ransa, francophone.
| Tafa | Oïl, lilyem A̱tak Yurop  |
|---|---|
| A̱lyoot a̱gwomna̱ti ku mbyin | français |
| Yet a̱ci̱t | Classical French |
| Has grammatical case | no value |
| Has grammatical gender | feminine, masculine |
| Lyuut | lyuut Lati̱n |
| Uses capitalization for | proper noun, unknown value |
| Language regulatory body | Académie Française, Academie Royale de Langue et de littérature Françaises, Office québécois de la langue française |
| UNESCO language status | 1 safe |
| Ethnologue language status | 0 International |
| Á̱ fang ma̱ | French studies, Romance studies, Q11333703 |
| Nkhang | history of French |
| Has conjugation class | conjugation of Group I French verbs, conjugation of Group II French verbs, conjugation of Group III French verbs |
| Sa a̱meang | Category:French pronunciation |
| Entry in abbreviations table | франц. |
| Wikimedia language code | fr |
