Starting in 1996, Alexa Internet has been donating their crawl data to the Internet Archive. Flowing in every day, these data are added to the Wayback Machine after an embargo period.
Starting in 1996, Alexa Internet has been donating their crawl data to the Internet Archive. Flowing in every day, these data are added to the Wayback Machine after an embargo period.
TIMESTAMPS
The Wayback Machine - https://web.archive.org/web/20171123092428/http://www.hagstova.fo:80/fo
Fyrstu tríggjar ársfjórðingarnar var útflutningurin tilsamans 6,2 mia. kr., 567 mió. kr. ella 10% meir enn í fjør. Fiskaútflutningurin einsamallur vaks 702 mió. kr ella 13%, hóast nøgdin minkaði 9%. Eftir sjey árum er virðið av fiskaútflutninginum tvífaldað.
Vit hava innflutt fyri 600 mió. kr. ella 13% meira fyrstu tríggjar ársfjórðingarnar í ár, samanborið við í fjør. Innflutt er munandi meira av brennievni, skipum, akførum, rávøru til fiskavirking og til beinleiðis húsarhaldsnýtslu.
Fólkatalið var 50.322 tann 1. oktober. Tað vaks við 707 fólkum í 12-mánaðarskeiðinum 1. okt. 2016 – 1. okt. 2017. Tað kemur av nettotilflyting á 442 og burðaravlopi á 265. Fólkavøkstur er í øllum høvuðsøkjum, í tali mest í høvuðsstaðnum men lutfalsliga mest í Vága og Eysturoyar sýslum og Streymoyarøkinum uttan fyri Tórshavnarøkið. Minsti vøksturin er í Sandoyar og Suðuroyar sýslum.
Talið av skrásettum gistingum í føroysku ferðavinnuni er alsamt vaksandi. Tríggjar fyrstu ársfjórðingarnar í ár var talið av gistingum 146.675. Tað eru 5% ella 7 túsund fleiri enn sama tíðarskeið í fjør og 8 túsund fleiri enn sama tíðarskeið fyrra árið, tá annars sólarmyrkingin var.
