. 
. 
Die leier van die amptelike opposisie (dr. A.P. Treurnicht): “Ek wil nou vir die agbare Staatspresident sê dat hy, en nie ek nie, die tier in die Afrikaner wakker gemaak het.” (Tussenwerpsels.)
So lui ’n uittreksel uit Hansard, die parlementêre rekord, wat die vurige debat oor die staatsrede op Maandag 5 Februarie 1990 gedokumenteer het.
Hansard gebruik nie uitroeptekens of klemtekens nie en werp ook nooit lig op watter “tussenwerpsels” geskreeu is nie, maar die vier dag lange debat oor oudpres. FW de Klerk se rigtinggewende toespraak van 2 Februarie 1990 was een waarin gemoedere behoorlik oorgekook het.
