|
|
Daniel Schinasi: Mos ndiqni mod�n, ju largon nga vetja |
» D�rguar m�: 22/05/2014 - 06:46 |
Artisti Daniel Schinasi, themelues i Neofuturizmit, prej ditësh në Tiranë, është ndalur dje për një ligjëratë në Galerinë Kombëtare të Arteve. Thelbi i fjalës së tij ishte një mesazh për artistët e rinj: Mos ndiqni modën, sepse ju largon nga vetja. Do të humbisni origjinalitetin. Në bisedën e lirshme mes tij, drejtorit të GKA, Artan Shabani dhe artistëve të pranishëm,
Schinasi, këshilloi që arti nuk duhet krijuar për t'u shitur, pasi nëse ky është qëllimi i të krijuarit, vlerat e tij bien për shkak të asaj që mund të konsiderohet si ndotje e merkatos së artit. Një tjetër moment në të cilin u ndal artisti, ishte ai i ccmimeve marramendëse të veprave. Schinasi erdhi në Shqipëri si i ftuari i Institutit Italian të Kulturës. Ai mbajti dy masterclass me studentët e Departamentit të Arteve Pamore të Universitetit të Arteve dhe do të mori pjesë në shfaqjen e dokumentarit kushtuar atij, "Le juif italien d'Alexandrie", në prani të regjisorit Giuseppe la Rosa. Dokumentari rrëfen në 36 minuta karrierën e dendur artistike të piktorit të famshëm, i cili ka lindur në Aleksandri, Egjipt në vitin 1933 nga një familje sefardite me origjinë livorneze, dhe sot e ndan jetën e tij mes rivierës franceze dhe fshatit toskan. "Le juif italien d'Alexandrie" fillon nga pranvera e vitit 2009, kur komuna e Cascina-s, në provincën e Pizës, i ngarkon M. Schinasi-t të krijojë një seri pikturash për të festuar 400-vjetorin e shpikjes së teleskopit të Galileos. Artisti lë Nizza-n duke u nisur drejt Casino di Terra për të filluar punën. Ndërsa punon, artisti i rrëfehet kameras, siç pasqyrohet në kanavace. Bisedon me miqtë, me gruan, me veten e tij. Kujtimet e një jete shfaqen gradualisht dhe ndërkohë shikuesi zbulon se ka shumë gjëra që ai i tërheq nga e kaluara e tij dhe i hedh në punë. Format dhe ngjyrat lindin dhe zhvillohen nga vetë kujtimet, mërgimi i dhimbshëm nga vendlindja, Egjipti, ende djeg shpirtin e artistit dhe e vë atë në lëvizje. Pra kështu, ne zbulojmë se si ai ka ndërtuar stilin që sot e dallon nga të tjerët dhe kuptojmë se si për të kryer një vepër të tillë, është e nevojshme të bëjë një bilanc të një ekzistence që, në rastin e tij ka ditur gjithmonë të rezistojë. Artisti do të jetë në Tiranë të hënën më 19 maj dhe të martë, 20 maj. |
|
|
|
|
|