İllərdir davam edən nəticəsiz danışıqlar, işğalçı tərəfin Azərbaycan xalqının əsəblərinə və milli qüruruna toxunan əməllərindən sonra, nəhayət, bıçağın sümüyə dirəndiyi gün yetişdi. Torpaqlarımızın azadlığı uğrunda Vətən Müharibəsi başladı. Bu günün gec-tez yetişəcəyini hər kəs bilirdi və kiçikdən-böyüyə hamı ona hazır idi. Prezident xalqa müraciət etdi, Təhlükəsizlik Şurasının iclasını keçirdi, "Hərbi vəziyyət elan edilməsi haqqında” Fərman imzaladı. Ordumuz düşmən sədlərini yarıb keçərək, ilk gündə 6 kəndi azad etdi. Bütün xalq Orduya və Ali Baş Komandana dəstək üçün yumruq kimi birləşməyə başladı... Tezliklə bu yumruq Azərbaycanın iradə, əzm və qətiyyətini əks etdirən Dəmir Yumruğa çevriləcəkdi...

Vətən Müharibəmizin 2-ci günü səhər Tərtərin Talış kəndi ətrafındakı bir neçə əlverişli yüksəklik işğaldan azad olundu. Prezident, Ali Baş Komandan İlham Əliyevin sərəncamına əsasən ölkədə qismən səfərbərlik elan edildi. Düşmən mülki əhalinin oilduğu yaşayış məntəqələrimizi atəşə tutdu. Ordumuzun hücum əməliyyat daha da genişləndi, düşmənin bir neçə yüksək rütbəli zabiti məhv edildi. Düşmən hələ bilmirdi ki, daha 42 gün bu cür müsibətlər yaşamalı olacaq…